中國國務委員兼外長王毅話：「民主不是可口可樂，美國生產原漿，全世界一個味道。」
其實全世界唔同地方嘅可口可樂，味道都略有差異，我以為係 common sense，原來有人唔知道！
可樂原漿來自可樂公司，但用嘅水，溝嘅糖（蔗糖或 HFCS），每個地方都唔同，就算都只係講紅罐嘅可口可樂，味道依然會有少少分別。美國就有好多人話，墨西哥啲可樂好飲啲。話時話，唔知大家有冇發覺，其實香港嘅可樂，同中國嘅可樂，味道都有少少分別。
無論外界環境如何變動，有啲事情，係唔同就唔同，係有分別就係有分別，即使有千軍大炮都改變不了。